Անցկացնելով ընդհամենը մեկ արձակուրդ Հունաստանում՝ Դուք կսիրեք այս երկիրը մեկընդմիշտ: Առողջության վրա բարենպաստ ազդող մեղմ կլիման, ամբողջ աշխարհում հայտնի միջերկրածովյան խոհանոցը, լեռնային մասիվներն ու ծովի երկնագույն հարթությունն իր մեջ զուգակցող եզակի բնապատկերները, ինչպես նաև ծղոտե ծածկոցի ստվերում հանգստանալ գրավող լողափերը և շատ այլ հանգամանքները դեպի Հունաստան են ձգում ոչ միայն հանգստի սիրահարներին, այլ նաև անշարժ գույքը գնահատողներին:

Եթե համեմատել անշարժ գույքի գները Հունաստանում և այլ Եվրոպական երկրներում, ապա կարելի է վստահորեն ասել, որ Հունաստանն այս առումով ավելի ձեռնտու է կապիտալ ներդրումների համար: Բացի այդ, կենսամակարդակն այստեղ ավելի բարձր է, քան օրինակ՝ Բուլղարիայում կամ Մոնտենեգրոյում: Հունաստանում շատ ցածր է հանցավորության աստիճանը: Դուք կարող եք հանգիստ լինել, որ Ձեր երեխաները չեն ընկնի վատ շրջապատ և նրանց հետ ոչինչ չի պատահի: Հայաստանի և Հունաստանի հարաբերությունները ավելի քան դրական բնույթ են կրում:Բացվում են վիզային նոր կենտրոններ, կատարվում են ռեգուլյար չարթերային չվերթներ դեպի Հունաստան: Եթե Դուք որոշեք անշարժ գույք ձեռք բերել Հունաստանում, նրա վառ և դեռևս մանկությունից բոլորին հայտնի պատմությունը Ձեզ անմոռանալի ժամանց կպարգևի ձիթապտղի դարավոր ծառերի և ճարտարապետական հուշարձանների շրջապատում:

Հունաստանն ունի 13 մարզեր, որոնք կոչվում են «պերիֆերիաներ», ինչը թարգմանաբար նշանակում է «հեռու գտնվող վայր»: Երկրի ամենամեծ մարզը գտնվում է հյուսիսում և կոչվում է Մակեդոնիա: Մարզերը բաժանվում են «նոմերի», որոնց ընդհանուր թիվը 52 է: Օրինակ՝ եթե Դուք ցանկանում եք ձեռք բերել անշարժ գույք տուրիստական հայտնի վայրում՝ Խալկիդիկի թերակղզում, ապա պետք է իմանաք, որ անշարժ գույքը տեղակայված է լինելու Խալկիդիկի նոմի տարածքում, որը հյուսիսում սահմանակից է Սալոնիկ նոմի հետ: Երկու նոմերն էլ ընդգրկված են Մակեդոնիա մարզի կազմի մեջ:

Հունաստանի յուրաքանչյուր մարզ գրավում է իր գեղեցիկ վայրերով և յուրաքանչյուրի պատմությունն էլ լի է պատմական իրադարձություններով: Եվ իհարկե Հունաստանում անշարժ գույքի ձեռք բերմամբ հետաքրքրված յուրաքանչյուր անձի համար օգտակար կլինի իմանալ, որ

1. Հունաստանում գերիշխում են կլիմայի երեք հիմնական տեսակներ. միջերկրածովյան, բարեխառն և ալպիական : Հունաստանի հյուսիս-արևմտյան լեռնային շրջաններում գերիշխում է ալպիական կլիման: Բարեխառն կլիմայի տեսակը ազդում է Մակեդոնիայի կենտրոնում և արևմուտքում: Տվյալ շրջաններում եղանակն ամռանը լինում է չոր և շոգ, իսկ ձմռանը՝ խոնավ և ցուրտ: Հունական կղզիները աչքի են ընկնում միջերկրածովյան կլիմայով:

2. Անշարժ գույքի գնման համար ինչպիսի տարածաշրջան էլ որ Դուք ընտրեք, կարող եք վստահ լինել օդի մաքրության և բնապահպանական պայմանների առկայությամբ: Երկրում գրեթե չկան արտադրական ձեռնարկություններ: Հիմնականում զարգացած է գյուղատնտեսությունը: Հունաստանն աշխարհում երրորդ տեղն է գրավում ձիթապտղի արտադրությամբ, բացի այդ, այստեղ աճեցնում են մրգեր, բամբակ:

3. Հունաստանը շատ լավ համապատասխանում է ընտանեկան հանգստի համար: Շատերն անշարժ գույք են ձեռք բերում այստեղ՝ ցանկանալով ստեղծել ավելի որակյալ պայմաններ իրենց ընտանիքի և երեխաների կյանքի համար: Պետք չէ մոռանալ, որ Հունաստանն ունի ամուսնալուծությունների ամենացածր մակարդակը Եվրոպական Միությունում: Այստեղ մեծարում են ընտանիքը, պաշտում են երեխաներին և հարգում մեծերին:

4. Հունաստանում կա ընդհամենը երկու մեգապոլիս՝ Սալոնիկ և Աթենք, այստեղ է բնակվում երկրի բնակչության կեսը: Երկրի տարածքի 90%-ը գրավում են փոքր քաղաքներն ու գյուղակները: Շենքերը կառուցվում են ոչ բարձրահարկ՝ որպես կանոն, 5 հարկից ոչ ավելի: Բարձրահարկ շինությունները բնորոշ են հյուրանոցների և գրասենյակների համար:

5. Ձեռք բերելով անշարժ գույք Հունաստանում՝ Դուք կարող եք երկարաձգել Ձեր կյանքը:Ներկայումս կյանքի միջին տևողությունը կանանց համար այս արևոտ երկրում կազմում է 82 և տղամարդկանց համար՝ 77 տարի:

6. Հունաստանում հարգանքով են վերաբերվում հարևաններին և նրանց հանգստությանը : Սիեստայի ժամանակ (14:30 – 17:00) Ձեզ հաստատ չեն անհանգստացնի հարևանի աղմուկը կամ հարևան երեխայի ճիչերը: Չնայած օրվա մնացած ժամանակ Դուք էլ ստիպված կլինեք նույն համբերատարությամբ վերաբերվել նրան, որ հույներն արտահայտում են բոլոր իրենց զգացմունքներն աղմկալի և շատախոս ձևով:

7. Հունաստանում շատ հեշտ է ընդհանուր լեզու գտնել տեղի բնակչության հետ, քանի որ բնակչության որոշ մասը հասկանում կամ խոսում է ռուսերեն:

8. Հունաստանում անշարժ գույք ձեռք բերելիս մի մոռացեք սակարկել: Սակարկությունն այստեղ ընդունված է ամենուր:

9. Մի փոքր յուրաքանչյուր տարածաշրջանի մասին, որտեղ գերադասում են անշարժ գույք գնել օտարերկրյա քաղաքացիները.

• Ատտիկա

  • Աթենք

  • Արևմտյան և Արևելյան Ատտիկա

  • Պիրեյ

• Հյուսիսային Հունաստան (Արևմտյան, Հյուսիսային և Արևելյան Մակեդոնիա).

  • Խալկիդիկի թերակղզի

  • քաղաք Սալոնիկ

  • Թասոս և Կավալա կղզիներ

  • Օլիմպիական Ռիվիերա (Լիտոխորո, Կատերինի)

  • Կաստորիա

• Կենտրոնական Հունաստան և Թեսսալիա.

  • քաղաք Դելֆի, Պարնաս լեռ

  • Էվիա կղզի

  • Մաղնիսիա, Կարդիցա, Լարիսա

  • Մետեորայի վանքեր

• Էպիրուս.

  • Սիվոտա

• Պելոպոնես.

  • Արկադիա և Արգոլիդա

  • Կորինթոս

  • Լակոնիա և Մեսսենիա

• Կրետե կղզի.

  • Խանիա

  • Լասիթի

  • Ռեթիմնո

  • Հերակլիոն

• Իոնիական կղզիներ.

  • Կերկիրա (Կորֆու)

  • Կեֆալոնիա

  • Լեֆկադա

    Զակինթոս

• Էգեյան կղզիներ (Հյուսիսային և Հարավային).

  • Կիկլադներ. Անդրոս, Պարոս, Միլոս, Միկոնոս, Սանտորինի

  • Դոդեկանես՝Հռոդոս: